網紅的藏寶箱用咗MEWE一段小時間，有少少感想，亦有少少失望，希望將來可以改善。
真說話係有少少難聽嘅，大家可能未必接受到。
但都係我個人感受。
我有畀錢開Page，用咗一段時間，照fb咁貼小說散文。
Fb最白痴嘅就係愈更新愈唔好用，MEWE界面無話特別好用，亦無突破性功能，只係似返舊版fb。
當然啦～自由係最重要嘅。
Fb言論審查係罪大惡極，但MEWE取唔取代到fb呢？
我發現MEWE普遍少留言同Share，可能有得揀Emoji嘅關係，當你揀到啱心水Emoji就覺得表達咗心情。
任何平台想要壯大，就需要大家花半秒去互動，希望大家可以習慣吓。否則MEWE有100%觸及率都無用，永遠只得100%，唔會散播開去。
另一個我失望嘅原因，就係MEWE太政治…
我知真係好難聽，但希望大家認真諗一諗。
再講多次，fb言論審查亂Ban群組禁言封帳號係罪大極惡。
但可能因為呢個原因，大家都以「MEWE自由好多，講政治都無人理」為用MEWE主要目的。
我個人帳號大約有1000個朋友，但我每日睇最新動態。
有90%都係政治嘢…
我知一定有人鬧：「唔通吃喝玩樂就好好啊？死港豬！」
的確MEWE嘅自由性，可以暢通無阻咁傳遞資訊，同埋評論政治議題。
但當一個平台有90%都係政治，而缺少日常生活嘅資訊。
MEWE就無辦法取代到fb，只能做到MEWE 同 fb 共用。
當日子耐咗，風格定形，如果變成MEWE＝政治，fb＝娛樂。
大眾始終都會流返去fb…
所以希望大家可以真正將生活融入mewe，而唔好將佢變成政治工具。
就好似黃色經濟圈，只要係黃色，香港人排一粒鐘都要去食個飯。
但政見之外，好食係一間餐廳嘅良知。
當黃色經濟圈嘅政見凌駕於質素，就會出現好多負面評論。
可能有人鬧：「咁你去食返美心囉！」
我真正意思係，藍色嘅就算幾好食，我都含淚唔食。
但黃嘅如果質素加政見同時都做得好。
Shut up and take my money！
我都想fb唔係一台獨大，有競爭先有進步。
但亦唔希望為咗政治而盲撐另一邊。
－－－－－－－－－－－－－－－－
訂閱Patreon，看更多文章小說
每次出新小說，會免費寄到你家
https://www.patreon.com/Bluegodzi
選項式燒腦小說《殺人犯的側寫》已出
讀者可自選劇情結局：
https://bluegodzistore.boutir.com/
Search